पेट्रोलियम पदार्थको मूल्यवृद्धिको बिरोधमा विभिन्न राजनीतिक दल युवा तथा विद्यार्थी संघ संघठनहरुले आव्हान गरेको बन्दले राजधानी लगायत मुलुकको विभिन्न भागमा जनजीवन प्रभावित भएको छ । सडकमा यातायातका साधन देखिएको छैन । बन्द सफल पार्न ठाउँ ठाउँमा युवा विद्यार्थीहरुले प्रदर्शन गरेका छन् । सडकमा बाक्लो संख्यामा सुरक्षाकर्मी परिचालन गरिएको छ । आन्दोलनमा तरुण दल, वाईसीएल, युवा संघ, नेविसंघ,अनेरास्ववियू,अखिल क्रान्तिकारी, मधेशी मोर्चामा आवद्ध विभिन्न दल निकट युवा तथा विद्यार्थी संगठन लागायतको सहभागिता रहेको छ । ती संगठनहरुले थप आन्दोलनको कार्यक्रम आजै घोषणा गर्ने तयारी गरेका छन् ।
सिन्धुलीमा बन्दकर्ताले एउटा यात्रुवाहक बसमा तोडफोड गरेका छन् । मरिनखोला तर्फबाट सदरमुकाममा गढी मर्मतको लागि आउँदै गरेको ना.४.ख २४२७ नम्वरको बस धुराबजारमा तोडफोड गर्दा गढ़िको अघाडी पट्टिको सिसा फोरिएको छ । सदरमुकाम तथा वीपी राजमार्गमा यातायात संचालनमा आएको छैन ।
